Vie de Saint Alexis. (1: Cette vie, de même que les deux poëmes suivants, se trouvent dans le Ms. 7693 de la Bibliothèque royale.)
Un passage de ce petit poëme suffira pour en faire apprécier la
versification et le texte. Je choisis le retour d' Alexis dans la maison
paternelle, où il veut demeurer inconnu.
Lo fals Satan desconoyssens
Del sieu gran be fo eveios
Per que li fo contrarios...
Non li poc far mal autramens,
Fes l' azirar a sos parens;
Als jovencels de sa mayo
Fes far aquesta falhizo;
L' ome de Dieu fes escarnir
Als sieus sirvens e vil tenir,
Si que l' ayga dels lavamens,
Mot pudenta e mal olens,
Plena de grans orrezetatz,
Li gitavo per mieg son cap,
E d' autres estrans aunimens
Dic que 'l fazian li sieu sirven.
Per sos sirvens fo aziratz
Mot cruzelmens e decassatz
La nueg e 'l jorn ab gran azir
Que no 'l layssavo sol dormir;
Anavo lo tug debotan,
E peyretas ades lansan,
E escopen sus en sa fas
Ab saliva et ab vormas.
De tot aysso fo mot sofrens,
Sofrens ne fo e paciens
Que anc no fes nulha clamor;
Be sabia que l' enemic,
Lo trachor fals, serpen antic,
Lur fazia far la foldat,
Per que o volc sofrir de grat.
Sofrens ne fo mot longamen
La nueg e 'l jorn d' aycel tormen,
On dic qu' estec non conogut
En la mayo on fo nascut...
Que volc gardar e retenir
Dins e son cor los mandamens
Que preziquet Crist a la gen.
Lo prezic dic que fo aytals
Mot doloyros e mot corals:
Se meteis se renegara
Qui per el salvar se volra.
Prezic fo be de gran dolor
A cels qu' an al segle amor.
Aquest vos dic que s reneguet
Trastot son cors e mesprezet,
E reneguet totz sos parens...
E son payre que l' engeret,
Sa mayre dic que reneget
E sa molher qu' el espozet;
Lo gaug del mon volc oblidar,
E so del mon tot renegar
Per lo sanctisme salvamen,
E de paradis intramen.
Aquest dic ieu que deu aver,
Segon mo sen e mo saber,
Tres coronas don coronatz
Sia el cel et issaussatz:
La una per vergenitat,
Car ab se retenc castetat,
E l' autra car fo cofessor,
L' autra car fo martir maior,
Car anc nul temps no fo auzit
Om que tal passio sofris;
Mas li valgra fos degolatz,
O fos son cors en foc crematz,
O que estes en cros penden,
Que soferre tan lonc turmen.
No hay comentarios:
Publicar un comentario
Muchas gracias por comentar. Moltes gràcies per comentar.
Nota: solo los miembros de este blog pueden publicar comentarios.